സൗഹൃദം പങ്കുവച്ച്‌ ‘ജോട്ടാ- ജോട്ടി’
തൃശൂർ ഹാം റേഡിയോ വഴി സൗഹൃദം പങ്കുവയ്‌ക്കാൻ വേദിയൊരുക്കി ജോട്ടാ- ജോട്ടി. എണ്ണൂറോളം വരുന്ന സ്കൗട്ടുകളും ഗൈയ്‌ഡുകളും ഹാം റേഡിയോ വഴിയും ഇന്റർനെറ്റിലൂടെയും കേരളത്തിലും വിദേശത്തുമുളള സ്കൗട്ടുകളും ഗൈയ്‌ഡുകളുമായി പരിചയപ്പെടുന്നതിനും ആശയവിനിമയം നടത്തുന്നതിനും ക്യാമ്പ്‌ വഴി സാധിച്ചു. കേരള സ്റ്റേറ്റ് ഭാരത് സ്കൗട്ട് ആൻഡ്‌ ഗൈയ്‌ഡ്‌സ് ജില്ലാ അസോസിയേഷനും 23–--ാമത് ട്രിച്ചൂർ സ്കൗട്ട് ഓപ്പൺ ഗ്രൂപ്പും സംയുക്തമായി സംഘടിപ്പിച്ച ജോട്ടാ- ജോട്ടി ടി ജെ സനീഷ്‌കുമാർ എംഎൽഎ ഉദ്ഘാടനം ചെയ്‌തു. ഡോ. അൻസാർ അധ്യക്ഷനായി. ജില്ലാ പഞ്ചായത്ത് അംഗം ജോസഫ് ടാജറ്റ്, സി എസ് സുധീഷ്‌കുമാർ, ജോസി ബി ചാക്കോ, സി ഐ തോമസ്, ഡോ. ഇ യു രാജൻ, വി എസ് ഡേവിഡ് എന്നിവർ സംസാരിച്ചു. Read on deshabhimani.com