കഥക് മഹോത്സവത്തിന്‌ ഇന്ന്‌ തുടക്കം
തൃശൂർ കഥക് മഹോത്സവം ബുധൻ മുതൽ മൂന്നു ദിവസങ്ങളിലായി സംഗീത നാടക അക്കാദമി റീജണൽ തിയറ്ററിൽ നടക്കുമെന്ന്‌ സംഘാടകർ വാർത്താസമ്മേളനത്തിൽ അറിയിച്ചു. ഇരിങ്ങാലക്കുട കേന്ദ്രമായി പ്രവർത്തിക്കുന്ന സഹസ്ര കൾച്ചറൽ ട്രസ്റ്റാണ് സംസ്ഥാനത്തെ ആദ്യ കഥക് ഫെസ്റ്റ് സംഘടിപ്പിക്കുന്നത്. വൈകിട്ട് 5.30 മുതൽ രാത്രി 8.30 വരെയാണ് പരിപാടി. മേയർ എം കെ വർഗീസ് ഉദ്ഘാടനം ചെയ്യും. രാജ്യത്തെ വിവിധ ഭാഗങ്ങളിൽ നിന്നുള്ള 30ഓളം കലാകാരൻമാരും സംഗീത നാടക പുരസ്‌കാര ജേതാക്കളടക്കം നൂറിലധികം പേർ പങ്കെടുക്കും. വാർത്താസമ്മേളനത്തിൽ ശരണ്യ സഹസ്ര, രേഖ മിത്ര, ഐശ്വര്യ രാജു, അയിഷി മിശ്ര എന്നിവർ പങ്കെടുത്തു. Read on deshabhimani.com