കഥാപ്രസംഗ മഹോത്സവത്തിലേക്ക് ഒക്ടോബര്‍ 15വരെ അപേക്ഷിക്കാം
തൃശൂർ കഥാപ്രസംഗ കലയുടെ നൂറാം വാർഷികത്തിന്റെ ഭാഗമായി കേരള സംഗീത നാടക അക്കാദമി സംഘടിപ്പിക്കുന്ന സംസ്ഥാനതല കഥാപ്രസംഗ മഹോത്സവത്തിലേക്ക് ഒക്ടോബർ 15 വരെ അപേക്ഷിക്കാം. അഞ്ചുദിവസത്തെ പരിപാടിയിൽ കഥാപ്രസംഗ അവതരണവും ശിൽപ്പശാലയും ഉണ്ടാകും. 20 –-40 പ്രായമുള്ളവർക്കാണ് കഥാപ്രസംഗം അവതരിപ്പിക്കാൻ അവസരം. യുവകാഥികർക്കുള്ള ശിൽപ്പശാലയിൽ 18 –- 35 പ്രായമുള്ള പഠിതാക്കൾക്കും കാഥികർക്കും പങ്കെടുക്കാം. കഥാപ്രസംഗത്തെക്കുറിച്ച് ഗവേഷണം നടത്തുന്നവർ, പഠനം നടത്തുന്നവർ, വാർത്തകളും ഓൺലൈൻ പ്രൊമോഷനുകളും തയ്യാറാക്കുന്നവർ എന്നിവർക്ക് മുൻഗണന. താൽപ്പര്യമുള്ളവർക്ക്‌ www.keralasangeethanatakaakademi.in വെബ്സൈറ്റിൽ നിന്ന് അപേക്ഷാ ഫോം ഡൗൺലോഡ് ചെയ്യാം. താൽപ്പര്യമുള്ളവർ 15 മിനിട്ട് ദൈർഘ്യമുള്ള വീഡിയോ സഹിതമാണ് അപേക്ഷിക്കേണ്ടത്. ശില്പശാലയിൽ പങ്കെടുക്കുന്നവർക്ക് ഭക്ഷണവും താമസസൗകര്യവും അക്കാദമി ഒരുക്കും. വിവരങ്ങൾക്ക്: 0487 2332134. Read on deshabhimani.com