ട്രെയിൻ ഗതാഗതം താളം തെറ്റി
തൃശൂർ കനത്ത മഴയിൽ വടക്കാഞ്ചേരി അകമലയിൽ റെയിൽവേ പാളത്തിൽ മണ്ണും ചെളിയും നിറഞ്ഞ്‌ ട്രെയിൻ ഗതാഗതം മണിക്കൂറുകളോളം മുടങ്ങി. ചൊവ്വാഴ്‌ച നാല് ട്രെയിനുകൾ പൂർണമായും 10 ട്രെയിനുകൾ ഭാഗികമായും റദ്ദാക്കി. ഗുരുവായൂർ -തൃശൂർ പ്രതിദിന എക്പ്രസ് നമ്പർ 06445, തൃശൂർ – ഗുരുവായൂർ പ്രതിദിന എക്സ്പ്രസ് നമ്പർ 06446, ഷൊർണൂർ–-- തൃശൂർ പ്രതിദിന എക്സ്പ്രസ് നമ്പർ 06497, തൃശൂർ – ഷൊർണൂർ പ്രതിദിന എക്സ്പ്രസ് നമ്പർ 06495 എന്നീ ട്രെയിനുകളാണ് പൂർണമായും റദ്ദാക്കിയത്. കണ്ണൂർ – തിരു. ജനശതാബ്ദി നമ്പർ 12081, കണ്ണൂർ–--ആലപ്പുഴ ഇന്റർസിറ്റി എക്സ്പ്രസ് 16308 , മംഗളൂരു സെൻട്രൽ – കന്യാകുമാരി, പരശുറാം എക്സ്പ്രസ് 16649 എന്നീ ട്രെയിനുകൾ ഷൊർണൂർ വരെയാണ്‌ സർവീസ് നടത്തിയത്‌. കോട്ടയം നിലമ്പൂർ റോഡ്‌ എക്സ്പ്രസ് നമ്പർ 16326 അങ്കമാലിവരെ മാത്രമാക്കി. കോഴിക്കോട്‌ –- തിരുവനന്തപുരം സെൻട്രൽ ജനശതാബ്ദി എക്സ്പ്രസ് നമ്പർ 12075 എറണാകുളത്തു നിന്നാണ്‌ പുറപ്പെട്ടത്‌. കന്യാകുമാരി–- മംഗളൂരു സെൻട്രൽ പരശുറാം എക്സ്പ്രസ് നമ്പർ 16650 ഷൊർണൂരിൽ നിന്നാണ്‌ പുറപ്പെട്ടത്‌. നിലമ്പൂർ റോഡ്‌ –- കോട്ടയം എക്സ്പ്രസ് നമ്പർ 16325 അങ്കമാലിയിൽ നിന്നും ഷൊർണൂർ –-തിരുവനന്തപുരം സെൻട്രൽ വേണാട്‌ എക്സ്പ്രസ് നമ്പർ 16301 ചാലക്കുടിയിൽ നിന്നും പുറപ്പെട്ടു. ആലപ്പുഴ–- കണ്ണൂർ എക്സ്പ്രസ് നമ്പർ 16307 ഷൊർണൂരിൽ നിന്നാണ്‌ പുറപ്പെട്ടത്‌. പാലക്കാട്‌ –-തിരുനെൽവേലി എക്സ്പ്രസ് നമ്പർ 16792 ആലുവയിൽ നിന്നും പുറപ്പെട്ടു. Read on deshabhimani.com