സിപിഐ എം ബത്തേരി ഏരിയാ സമ്മേളനത്തിന്‌ ഇന്ന്‌ കൊടിയുയരും
ബത്തേരി സിപിഐ എം ബത്തേരി ഏരിയാ സമ്മേളനം ശനി, ഞായർ ദിവസങ്ങളിൽ ചീരാലിൽ നടക്കും. എയുപി സ്‌കൂളിലെ കോടിയേരി ബാലകൃഷ്ണൻ നഗറിൽ ശനി രാവിലെ 10ന്‌ സമ്മേളനം ജില്ലാ സെക്രട്ടറി പി ഗഗാറിൻ ഉദ്‌ഘാടനം ചെയ്യും. ജില്ലാ സെക്രട്ടറിയറ്റംഗങ്ങൾ സംസാരിക്കും. ഞായർ വൈകിട്ട്‌ നാലിന്‌ ചീരാൽ ടൗണിൽ വളന്റിയർ മാർച്ചും പ്രകടനവും നടക്കും. പി എ മുഹമ്മദ്‌ നഗറിൽ ചേരുന്ന പൊതുസമ്മേളനത്തിൽ ജില്ലാ സെക്രട്ടറിയറ്റംഗങ്ങൾ, ജെയ്‌ക് സി തോമസ്‌ എന്നിവർ സംസാരിക്കും. പൊതുസമ്മേളന നഗറിൽ ഉയർത്താനുള്ള പതാക പി കെ രാമചന്ദ്രന്റെ നേതൃത്വത്തിൽ കോട്ടക്കുന്നിൽനിന്ന്‌ കൊടിമരം ബിന്ദു മനോജിന്റെ നേതൃത്വത്തിൽ കുപ്പാടിയിൽനിന്ന്‌ വെള്ളിയാഴ്‌ച ജാഥയായി കൊണ്ടുവരും. ഇരു ജാഥകളും വൈകിട്ട്‌ 5.30ന്‌ ചീരാലിൽ സംഗമിച്ചശേഷം പൊതുസമ്മേളന നഗറിൽ കൊടിയുയർത്തും. പതാകജാഥ ജില്ലാ സെക്രട്ടറിയറ്റംഗം വി വി ബേബിയും കൊടിമരജാഥ ജില്ലാ കമ്മിറ്റി അംഗം സുരേഷ്‌ താളൂരും ഉദ്‌ഘാടനംചെയ്യും. Read on deshabhimani.com