ബജാജ്‌ ഫിനാൻസ്‌ ഉപരോധിച്ചു
കൽപ്പറ്റ ദുരിതബാധിതർക്ക്‌ നൽകിയ അടിയന്തര ധനസഹായത്തിൽനിന്ന്‌ ബജാജ്‌ ഫിനാൻസ്‌ ഇഎംഐ പിടിച്ചെടുക്കുന്നതിൽ പ്രതിഷേധിച്ച്‌ കൽപ്പറ്റയിലെ ബജാജ്‌ ഫിനാൻസ്‌ ഓഫീസ്‌ ഡിവെെഎഫ്‌ഐ ഉപരോധിച്ചു. പ്രതിഷേധത്തെ തുടർന്ന്‌ ചൂരൽമല മുള്ളത്തുത്തെരുവിൽ ബിബീഷിന്റെ അക്കൗണ്ടിൽനിന്ന്‌ ഈടാക്കിയ 1800 രൂപ തിരിച്ചു നൽകി. ദുരിതബാധിതരുടെ അക്കൗണ്ടുകളിൽനിന്ന്‌ ഈടാക്കിയ മുഴുവൻ തുകയും തിരിച്ചുനൽകാമെന്ന ഉറപ്പിൽ സമരം അവസാനിപ്പിച്ചു. ഡിവൈഎഫ്‌ഐ ജില്ലാ സെക്രട്ടറി കെ റഫീഖ്‌, പ്രസിഡന്റ്‌ കെ എം ഫ്രാൻസിസ്‌, ട്രഷറർ കെ ആർ ജിതിൻ, എം രമേഷ്‌, ജോബിസൺ ജെയിംസ്‌, സി ഷംസുദ്ദീൻ, അർജുൻ ഗോപാൽ എന്നിവർ നേതൃത്വം നൽകി. എഐവൈഎഫ്‌ ഉൾപ്പെടെയുള്ള യുവജന സംഘടനകളും ബാജാജ്‌ ഫിനാൻസിലേക്ക്‌ പ്രതിഷേധം സംഘടിപ്പിച്ചു. Read on deshabhimani.com