സിപിഐ എം മീനങ്ങാടി ഏരിയാ സമ്മേളനം നാളെ തുടങ്ങും
അമ്പലവയൽ സിപിഐ എം മീനങ്ങാടി ഏരിയാ സമ്മേളനത്തിന് തിങ്കൾ തോമാട്ടുചാലിൽ തുടക്കം. രാവിലെ 10ന്‌ മാർത്തോമ്മ പള്ളി ഹാളിലെ പി ടി ഉലഹന്നാൻ നഗറിൽ സമ്മേളനം കേന്ദ്ര കമ്മിറ്റി അംഗം കെ കെ ശൈലജ ഉദ്‌ഘാടനംചെയ്യും. ചൊവ്വ വൈകിട്ട്‌ നാലിന്‌ ടൗണിലെ പി എ മുഹമ്മദ്‌ നഗറിൽ ചേരുന്ന പൊതുസമ്മേളനത്തിൽ കെ കെ ശൈലജ, ഡിവൈഎഫ്‌ഐ കേന്ദ്ര കമ്മിറ്റി അംഗം ഡോ. ഷിജുഖാൻ തുടങ്ങിയവർ സംസാരിക്കും. പൊതുസമ്മേളനത്തിന്‌ മുന്നോടിയായി ചുവപ്പ്‌ വളന്റിയർ മാർച്ചും പ്രകടനവുമുണ്ടാവും. പൊതുസമ്മേളന നഗറിൽ ഞായർ വൈകിട്ട്‌ സ്വാഗതസംഘം ചെയർപേഴ്‌സൺ സി കെ ഹഫ്‌സത്ത്‌ പതാക ഉയർത്തും. പതാക ചീരാംകുന്നിൽനിന്നും കൊടിമരം മൈലമ്പാടിയിൽനിന്നും ജാഥയായാണ്‌ കൊണ്ടുവരിക. Read on deshabhimani.com