കലക്ടർ പറഞ്ഞു; ആ വാർത്ത തെറ്റ്
പാലക്കാട്‌ ഹോട്ടൽ മുറിയിലെ കള്ളപ്പണ പരിശോധനയുമായി ബന്ധപ്പെട്ട് തെരഞ്ഞെടുപ്പ് കമീഷന് രേഖാമൂലം റിപ്പോർട്ട് നൽകിയെന്ന മാധ്യമ വാർത്ത വസ്‌തുതാവിരുദ്ധമെന്ന് കലക്ടർ ഡോ. എസ് ചിത്ര. ഈ വിഷയത്തിൽ തെരഞ്ഞെടുപ്പ് കമീഷൻ റിപ്പോർട്ട് ആവശ്യപ്പെട്ടിട്ടില്ല. ആവശ്യപ്പെട്ടാൽ വിശദമായ റിപ്പോർട്ട് നൽകും. ലഭിച്ച പരാതി അന്വേഷണത്തിനായി പൊലീസിന് കൈമാറിയിട്ടുണ്ട്. റെയ്‌ഡ്‌ വിവരങ്ങൾ തെരഞ്ഞെടുപ്പ് കമീഷനെ ഫോണിൽ അറിയിച്ചിരുന്നുവെന്നും കലക്ടർ വ്യക്തമാക്കി. (തെരഞ്ഞെടുപ്പ് കമീഷന് കലക്‌ടറുടെ പ്രാഥമിക റിപ്പോർട്ട്; റെയ്‌ഡിൽ വീഴ്‌ചയെന്ന തലക്കെട്ടിൽ മലയാള മനോരമയാണ് ഇല്ലാക്കഥ നിരത്തിയത്‌.) Read on deshabhimani.com