കോൺഗ്രസ് നേതാവ്‌ റോസമ്മ ചാക്കോ അന്തരിച്ചു
തോട്ടയ്‌ക്കാട്‌> മുതിർന്ന കോൺഗ്രസ് നേതാവും മുൻ എംഎൽഎയുമായ റോസമ്മ ചാക്കോ (92) അന്തരിച്ചു.ഇടുക്കി, ചാലക്കുടി, മണലൂർ മണ്ഡലങ്ങളെ പ്രതിനിധീകരിച്ച്‌ മൂന്ന്‌ തവണ നിയമസഭയിലെത്തിയിട്ടുണ്ട്‌. 1960‐ 63 കാലയളവിൽ കെപിസിസി വൈസ്‌ പ്രസിഡന്റായും പ്രവത്തിച്ചിരുന്നു. മഹിളാ കോൺഗ്രസിന്റെ പ്രസിഡന്റായിരുന്നു. 1982ൽ ഇടുക്കിയിൽനിന്നാണ്‌ ആദ്യമായി നിയമസഭയിലെത്തിയത്‌. 1927 മാർച്ച്‌ 17ന്‌ സി ചാക്കോയുടെയും മരിയമ്മ ചാക്കോയുടേയും മകളായാണ്‌ ജനനം.അവിവാഹിതയാണ്‌. റോസമ്മ ചാക്കോയുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു. മികച്ച നിയമസഭാ സാമാജിക ആയിരുന്നുവെന്ന് മുഖ്യമന്ത്രി അനുസ്മരിച്ചു. Read on deshabhimani.com