കടവന്ത്ര മെട്രോ സ്റ്റേഷനിൽ അപായ മുന്നറിയിപ്പ്; യാത്രക്കാർ പരിഭ്രാന്തരായി
കൊച്ചി > കടവന്ത്ര മെട്രോ സ്റ്റേഷനിൽ അപായ മുന്നറിയിപ്പ് മുഴങ്ങിയതോടെ യാത്രക്കാർ പരിഭ്രാന്തരായി. ശനി വൈകിട്ട്‌ 5.50നാണ്‌ കടവന്ത്ര മെട്രോ സ്റ്റേഷനിൽ അപായ അലാറം മുഴങ്ങിയത്‌. അഗ്‌നിസുരക്ഷാ സംവിധാനം പരിശോധിക്കുന്നതിടെയുണ്ടായ സാങ്കേതിക തകരാർ മൂലമാണ്‌ അലാറം മുഴങ്ങിയതെന്ന്‌ മെട്രോ അധികൃതർ അറിയിച്ചു. രണ്ട്‌ മിനിറ്റിൽ താഴെ മാത്രമാണ്‌ അലാറം മുഴങ്ങിയത്‌. തകരാർ ഉടൻ പരിഹരിച്ച ശേഷം യാത്രക്കാരെ അനൗൺസ്‌മെന്റ്‌ നടത്തി സ്റ്റേഷൻ സുരക്ഷിതമാണെന്ന്‌ അറിയിച്ചു. Read on deshabhimani.com