നിലമ്പൂർ ഗവ.കോളേജിൽ വിജയക്കൊടി പാറിച്ച്‌ എസ്എഫ്ഐ; തകർത്തത്‌ 5 വർഷത്തെ എംഎസ്എഫ്-കെഎസ്‌യു കൂട്ടുകെട്ട്
നിലമ്പൂർ-> അഞ്ച് വർഷത്തെ എംഎസ്എഫ് – കെഎസ്‌യു കൂട്ടുകെട്ട് പൊളിച്ച് നിലമ്പൂർ ഗവ. കോളേജ് എസ്എഫ്ഐയ്ക്ക്. ആകെയുള്ള ഏട്ട് ജനറൽ സീറ്റുകളിൽ വൈസ് ചെയർപേഴ്സൺ, യുയുസി, ജനറൽ ക്യാപ്റ്റൻ, ജോയിന്റ്‌ സെക്രട്ടറി സീറ്റുകളും ബിരുദാനന്തര ബിരുദ പ്രതിനിധി സീറ്റും രണ്ട് ബിരുദപ്രതിനിധികളും ജോഗ്രഫി അസോസിയേഷൻ പ്രതിനിധിയും എസ്എഫ്ഐ നേടി. സി അനഘ ചന്ദ്രനാണ് വൈസ് ചെയർപേഴ്സൺ, എം ജെ ഗോപിരാജാണ് യുയിസി. എസ്എഫ്ഐയുടെ പി ഫെമിന(ജോയിൻറ് സെക്രട്ടറി), പി അബ്ദുൾ സനീപ് ( ജനറൽ ക്യാപ്റ്റൻ) എന്നിവരും വിജയിച്ചു. വിജയിച്ച എസ്എഫ്ഐ പ്രവർത്തകർ നിലമ്പൂർ നഗരത്തിൽ പ്രകടനം നടത്തി. ആകെയുള്ള പതിനഞ്ച് സീറ്റിൽ ഏട്ട് സീറ്റ് എസ്എഫ്ഐ നേടി. ക്യാമ്പസിനകത്ത് ആഹ്ലാദപ്രകടനം നടത്തിയ വിദ്യാർഥികളെ പുറത്ത് നിന്നെത്തിയ കോൺഗ്രസ്, യൂത്ത് കോൺഗ്രസ്, യൂത്ത് ലീഗ് അക്രമി സംഘം മർദിച്ചു. Read on deshabhimani.com