എസ്എസ്എല്സി പരീക്ഷാ ഫലം ഇന്ന്
തിരുവനന്തപുരം> ഈ വര്ഷത്തെ എസ്എസ്എല്സി പരീക്ഷാ ഫലം ഇന്ന് പ്രഖ്യാപിക്കും. വൈകിട്ട് മൂന്ന് മണിക്ക് വിദ്യാഭ്യാസ മന്ത്രിയാണ് ഫലം പ്രഖ്യാപിക്കുക. രണ്ട് വര്ഷത്തെ ഇടവേളക്ക് ശേഷം ഇത്തവണ ഗ്രേസ് മാര്ക്ക് കൂടി ഉള്പ്പെടുത്തിയാണ് ഫലം പ്രഖ്യാപിക്കുന്നത്. 4,19,363 വിദ്യാര്ഥികളാണ് പരീക്ഷ എഴുതിയത്. 2960 പരീക്ഷാ കേന്ദ്രങ്ങളിലായി 4,19,363 റഗുലര് വിദ്യാര്ഥികളും 192 പ്രൈവറ്റ് വിദ്യാര്ഥികളുമാണ് ഈ വര്ഷം എസ്എസ്എല്സി പരീക്ഷ എഴുതിയത്. ഇതില് 2,13,801 പേര് ആണ്കുട്ടികളും 2,05,561 പേര് പെണ്കുട്ടികളുമാണ്. സര്ക്കാര് സ്കൂളുകളിലായി ആകെ 1,40,703 കുട്ടികളും എയിഡഡ് സ്കൂളുകളില് 2,51,567ഉം അണ് എയിഡഡ് സ്കൂളുകളില് 27,092 കുട്ടികളുമാണ് പരീക്ഷ എഴുതിയത്. ഗള്ഫ് മേഖലയില് 518 വിദ്യാര്ഥികളും ലക്ഷദ്വീപില് 289 വിദ്യാര്ഥികളും ഇക്കൊല്ലം പരീക്ഷ എഴുതിയിരുന്നു. വൈകീട്ട് മൂന്ന് മണിക്കാണ് വിദ്യാഭ്യാസമന്ത്രി ഫലം പ്രഖ്യാപിക്കുക. രണ്ട് വര്ഷത്തെ ഇടവേളക്ക് ശേഷം ഇത്തവണ ഗ്രേസ് മാര്ക്ക് കൂടി ഉള്പ്പെടുത്തിയാണ് ഫലം തയ്യാറാക്കിയിരിക്കുന്നത്. ഫല പ്രഖ്യാപനം കഴിഞ്ഞ് നാല് മണി മുതല് ഫലം അറിയാന് വേണ്ടി വിപുലമായ സംവിധാനമാണ് പൊതുവിദ്യാഭ്യാസ വകുപ്പ് സജ്ജമാക്കിയിരിക്കുന്നത്. www.results.kite.kerala.gov.in എന്ന പ്രത്യേക ക്ലൗഡധിഷ്ഠിത പോര്ട്ടലിന് പുറമെ 'സഫലം 2023' എന്ന മൊബൈല് ആപ്പിലൂടെയും ഫലമറിയാം. Read on deshabhimani.com