ഉടമ ഓട്ടോറിക്ഷ വിറ്റു: മാനസീക സംഘര്‍ഷത്തിലായിരുന്ന യുവാവ് ട്രെയിന്‍തട്ടി മരിച്ച നിലയില്‍
ഒറ്റപ്പാലം> പാലക്കാട് ഒറ്റപ്പാലത്ത് യുവാവിനെ തീവണ്ടി തട്ടി മരിച്ച നിലയില്‍ കണ്ടെത്തി.ഒറ്റപ്പാലം പാലപ്പുറം എസ്ആര്‍കെ നഗര്‍ താണിക്കപ്പടി വീട്ടില്‍ നിഷാദാണ് (41) മരിച്ചത്. നിഷാദിനെ മീറ്റ്നയില്‍ വെച്ചാണ്‌ തീവണ്ടി തട്ടി മരിച്ച നിലയില്‍ കണ്ടെത്തിയത്. വാടകയ്ക്ക് ഓട്ടോറിക്ഷ ഓടിച്ചിരുന്ന നിഷാദ് ഉടമ ഓട്ടോറിക്ഷ വിറ്റതോടെ മാനസിക സംഘര്‍ഷത്തില്‍ ആയിരുന്നുവെന്ന് പൊലീസ് പറഞ്ഞു. സ്വകാര്യ പണമിടപാട് സ്ഥാപനങ്ങളില്‍ അടക്കം ബാധ്യത ഉണ്ടായിരുന്നതായി പൊലീസ് അറിയിച്ചു. Read on deshabhimani.com