നടൻ ദർശന് വിവിഐപി പരിഗണന: ഏഴ്‌ ഉദ്യോഗസ്ഥർക്ക്‌ സസ്‌പെൻഷൻ
ബംഗളൂരു > കൊലക്കുറ്റത്തിന് ജയിലിൽ കഴിയുന്ന കന്നഡ നടൻ ദർശന് ജയിലിൽ വിവിഐപി പരിഗണന നൽകിയതിന്‌ ഏഴ്‌ ഉദ്യോഗസ്ഥരെ സസ്‌പെൻഡ്‌ ചെയ്‌തു. ജയിൽ സൂപ്രണ്ടിനെ സ്ഥലംമാറ്റുകയും ചെയ്‌തു. ജയിലിൽ പൂന്തോട്ടം പോലെ തോന്നിക്കുന്ന സ്ഥലത്ത് മാനേജർക്കൊപ്പം കസേരയിൽ ഇരുന്ന് ദർശൻ സിഗരറ്റ് വലിക്കുന്നതിന്റെ ചിത്രങ്ങൾ സാമൂഹിക മാധ്യമങ്ങളിൽ പ്രചരിക്കുന്നു. ഇതിനുപിന്നാലെയാണ്‌ നടപടി. നടിയായ വനിതാ സുഹൃത്തിനോട്‌ മോശമായി പെരുമാറിയ ആരാധകനായ രേണുകാസ്വാമിയെയാണ്‌ നടനും കൂട്ടാളികളും കൊലപ്പെടുത്തിയത്‌. ഇതുമായി ബന്ധപ്പെട്ട്‌ ജൂൺ 22 മുതൽ ദർശൻ ജയിലിലാണ്‌. Read on deshabhimani.com