തിരുച്ചിയിൽ ക്ഷേത്രത്തിന് സമീപം റോക്കറ്റിന്റേതെന്ന് കരുതുന്ന ലോഹഭാഗം കണ്ടെത്തി
ചെന്നൈ > തമിഴ്‌നാട് തിരുച്ചിയിൽ ക്ഷേത്രത്തിന് സമീപം കാവേരി നദിയുടെ തീരത്ത് റോക്കറ്റിന്റേതെന്ന് കരുതുന്ന ലോഹഭാഗം കണ്ടെത്തി. തീർത്ഥാടകരാണ് കാവേരി തീരത്ത് ലോഹഭാഗം കണ്ടത്. തുടർന്ന് പൊലിസ് സ്ഥലത്തെത്തി ലോഹഭാഗം സൈന്യത്തിന് കൈമാറി. ഇന്നലെ വൈകുന്നേരം അണ്ടനല്ലൂർ ക്ഷേത്ര ദർശനത്തിനെത്തിയ തീർത്ഥാടകർ നദിയുടെ തീരത്തേക്ക് പോയപ്പോഴാണ് റോക്കറ്റ് ലോഞ്ചറിനോട് സമാനമായ ലോഹഭാഗം ശ്രദ്ധയിൽപ്പെട്ടത്. ഇളം നീലയും കറുപ്പും ലോഹ നിറമുള്ള വസ്തുവാണ് കണ്ടെത്തിയത്. ഉടൻ തന്നെ പൊലീസിനെ വിവരം അറിയിക്കുകയായിരുന്നു. തുടർന്ന് പൊലീസെത്തി 117 ആർമി ഇൻഫൻട്രി ബറ്റാലിയന് ലോഹഭാഗം കൈമാറി. Read on deshabhimani.com