അങ്കോള മണ്ണിടിച്ചിൽ; അർജുന് വേണ്ടിയുള്ള ഇന്നത്തെ തിരച്ചിൽ അവസാനിപ്പിച്ചു
ബംഗളുരു > കർണാടകയിലെ അങ്കോളയിലുണ്ടായ മണ്ണിടിച്ചിലി‍ൽ കാണാതായ കക്കോടി സ്വദേശി അർജുന് വേണ്ടിയുള്ള ഇന്നത്തെ തിരച്ചിൽ അവസാനിപ്പിച്ചു. കനത്ത മഴയെ തുടർന്ന് വീണ്ടും മണ്ണിടിച്ചിലിന് സാധ്യതയുള്ളതിനാലാണ് ഇന്നത്തെ തിരച്ചിൽ അവസാനിപ്പിച്ചത്. നാളെ പുലർച്ചെ തിരച്ചിൽ പുനരാരംഭിക്കുമെന്ന് ഉത്തര കന്നട ജില്ലാ കലക്ടർ അറിയിച്ചു. നാളെ ആന്ധ്രയിൽ നിന്ന് കൂടുതൽ എൻഡിആർഎഫ് സംഘമെത്തി തിരച്ചിൽ നടത്തും. Read on deshabhimani.com