ലിഫ്റ്റ് ചോദിച്ച വിദ്യാർഥിനിയെ ബൈക്ക് യാത്രികൻ പീഡിപ്പിച്ചു
ബംഗളൂരു സുഹൃത്തുക്കള്‍ക്കൊപ്പമുള്ള പാര്‍ടി കഴിഞ്ഞ് മടങ്ങവെ ഇരുപത്തിയൊന്നുകാരിയെ ലിഫ്റ്റ് നൽകിയ ബൈക്ക് യാത്രക്കാരൻ പീഡിപ്പിച്ചു. ഞായറാഴ്ച പുലര്‍‌ച്ചെ ഒന്നോടെയാണ് സംഭവം. കോറമംഗലയിൽനിന്ന്‌ വീട്ടിലേക്ക് പോകാനാണ് പെൺകുട്ടി ബൈക്കിലെത്തിയാളോട് സഹായം ചോദിച്ചത്. ബൈക്കിൽ കയറ്റിയശേഷം വിജനമായ സ്ഥലത്തേക്ക് കൊണ്ടുപോയി പീഡിപ്പിക്കുകയായിരുന്നു. സഹായംതേടി പെൺകുട്ടി അയച്ച സന്ദേശം കണ്ട് സുഹൃത്തുക്കള്‍ സ്ഥലത്ത് എത്തിയെങ്കിലും പ്രതി ഓടി രക്ഷപ്പെട്ടു. ഒരു ട്രക്കിന് പിന്നിൽ അര്‍ധനഗ്നയായി കണ്ട യുവതിയെ സുഹൃത്തുക്കള്‍ ആശുപത്രിയിലെത്തിച്ചു. നഗരത്തിലെ കോളേജിൽ അവസാനവര്‍ഷ ബിരുദ വിദ്യാര്‍ഥിനിയാണ്. അന്വേഷണം തുടങ്ങിയതായി പൊലീസ് പറഞ്ഞു. Read on deshabhimani.com