അയ്യപ്പ ഭക്തർ വാവർ പള്ളി സന്ദർശിക്കരുത്: വിദ്വേഷ പ്രചരണവുമായി ബിജെപി എംഎൽഎ; വ്യാപക പ്രതിഷേധം
ഹൈദരാബാദ് > അയ്യപ്പ ഭക്തർ വാവർ പള്ളി സന്ദർശിക്കരുതെന്ന വിവാദ പരാമർശവുമായി ബിജെപി എംഎൽഎ. ഹൈദരാബാദിലെ ഗോഷാമഹൽ അസംബ്ലി മണ്ഡലത്തിൽ നിന്നുള്ള എംഎൽഎയായ ടി രാജ സിങ്ങാണ് വിദ്വേഷ പ്രചരണവുമായ രംഗത്തെത്തിയത്. ശബരിമലയിൽ പോകുമ്പോൾ എരുമേലി വാവർ പള്ളിയും ശബരിമലയിലെ വാവർ നടയും സന്ദർശിക്കരുതെന്നാണ് ബിജെപി നേതാവിന്റെ പരാമർശം. നക്സലൈറ്റുകളും ഇടതുപക്ഷക്കാരും കമ്മ്യൂണിസ്റ്റ് പാർടിയും ചേർന്നുള്ള ഗൂഢാലോചനയുടെ ഭാഗമാണ് ഇതെന്നാണ് രാജാ സിങ് ആക്ഷേപിച്ചത്. വർഷങ്ങളായി തുടർന്നുവരുന്ന ചടങ്ങിനെതിരെ വർഗീയ പരാമർശവുമായി വന്ന ബിജെപി എംഎൽഎയ്ക്കു നേരെ വ്യാപക പ്രതിഷേധമാണ് ഉയരുന്നത്. കടുത്ത വർഗീയ പരാമർശങ്ങളിലൂടെയും വിദ്വേഷ പ്രസംഗങ്ങളിലൂടെയും കുപ്രസിദ്ധിയാർജിച്ച വ്യക്തിയാണ് രാജാ സിങ്. Read on deshabhimani.com