ഹരിയാനയിൽ വിദ്യാർഥികളുമായി പോയ ബസ് തോട്ടിലേക്ക് മറിഞ്ഞു; 3 പേർക്ക് പരിക്ക്
ചണ്ഡീഗഡ് > ഹരിയാനയിൽ വിദ്യാർഥികളുമായി പോയ ബസ് തോട്ടിലേക്ക് മറിഞ്ഞു. 3 പേർക്ക് പരിക്കേറ്റു. പഞ്ച്കുള ജില്ലയിലാണ് സംഭവം. 45 വിദ്യാർഥികളാണ് ബസിലുണ്ടായിരുന്നത്. 2 വിദ്യാർഥികൾക്കും ഡ്രൈവറിനുമാണ് പരിക്കേറ്റത്. മറ്റ് കുട്ടികൾക്ക് പരിക്കുകളില്ലെന്ന് പൊലീസ് അറിയിച്ചു. ബസിന്റെ നിയന്ത്രണം നഷ്ടപ്പെട്ട് തോട്ടിലേക്ക് മറിയുകയായിരുന്നു. ബസ് തോട്ടിലേയ്ക്ക് മറിയുന്നതിന്റെയും വിദ്യാർത്ഥികളിൽ ചില‍ർ ബസിനുള്ളിൽ നിന്ന് പുറത്തേയ്ക്ക് തെറിച്ച് വീഴുന്നതിന്റെയും ദൃശ്യങ്ങൾ സാമൂഹ്യമാധ്യമങ്ങളിൽ പ്രചരിച്ചു. Read on deshabhimani.com