ലോക്സഭ സീറ്റ് വാഗ്ദാനം ചെയ്ത് പണം തട്ടൽ: കേന്ദ്രമന്ത്രി പ്രഹ്ലാദ് ജോഷിയുടെ സഹോദരൻ അറസ്റ്റിൽ
ബംഗളൂരു> ലോക്സഭാ സീറ്റ് വാഗ്ദാനം ചെയ്ത് പണം തട്ടിയ കേസിൽ കേന്ദ്രമന്ത്രിയും ബിജെപി നേതാവുമായ പ്രഹ്ലാദ് ജോഷിയുടെ സഹോദരൻ ഗോപാൽ ജോഷിയെ കർണാടക ബസവേശ്വരനഗർ പൊലീസ് അറസ്റ്റുചെയ്തു. മറ്റൊരു പ്രതിയായ വിജയലക്ഷ്മി ജോഷിയെയും അറസ്റ്റുചെയ്തിട്ടുണ്ട്. ഗോപാൽ ജോഷിയുടെ മകൻ അജയ് ജോഷിക്കെതിരെയും കേസുണ്ട്. രണ്ടുകോടിയിലേറെ രൂപ തട്ടിയെടുത്തതായി മുൻ ജെഡിഎസ് എംഎൽഎയുടെ ഭാര്യ സുനിത ചവാനാണ് പരാതി നൽകിയത്. ബിജെപി സ്ഥാനാർഥിയായി ലോക്‍സഭയിലേക്ക് മത്സരിക്കാൻ സീറ്റ് വാഗ്ദാനം ചെയ്താണ് തട്ടിപ്പ് നടത്തിയത്. Read on deshabhimani.com