ആറുവയസുകാരിയ്ക്ക് ക്രൂരമർദ്ദനം: ട്യൂഷൻ ടീച്ചർ അറസ്റ്റിൽ
മുംബൈ > ആറുവയസുകാരിയുടെ കൈയ്യക്ഷരം വൃത്തിയില്ലെന്നാരോപിച്ച് ട്യൂഷൻ ടീച്ചറുടെ ക്രൂരമർദ്ദനം. താനെയിലെ സാഗോൺ ഗ്രാമത്തിലാണ് സംഭവം. പഠിക്കുന്നില്ലെന്നും കൈയ്യക്ഷരം മോശമാണെന്നും പറഞ്ഞ് ട്യൂഷൻ ടീച്ചർ സരിഗ ഘാഗ് കുട്ടിയുടെ മുഖത്തടിക്കുകയും വലിയ സ്കെയിൽ വച്ച് തല്ലുകയും ചെയ്തു. ട്യൂഷൻ കഴിഞ്ഞ് വീട്ടിലെത്തിയ കുട്ടി മാതാപിതാക്കളോട് സംഭവം പറഞ്ഞു. തുടർന്ന് രക്ഷിതാക്കൾ മൻപാഡ പൊലീസിൽ പരാതി നൽകി. ട്യൂഷൻ ടീച്ചർക്കെതിരെ ഭാരതീയ ന്യായ സംഹിതയിലെ 118(1) വകുപ്പ് പ്രകാരം മന:പൂർവം മാരക ആയുധങ്ങൾ ഉപയോഗിച്ച് മുറിവേൽപിക്കൽ, ജുവനൈൽ ജസ്റ്റിസ് കുറ്റങ്ങളും ചുമത്തി കേസെടുത്തു. Read on deshabhimani.com