കശ്മീരിലെ ബാരാമുള്ളയിൽ ഏറ്റുമുട്ടൽ; 2 ഭീകരരെ വധിച്ചു
ശ്രീനഗർ > ജമ്മു കശ്മീരിലെ ബാരാമുള്ളയിൽ സൈന്യവും ഭീകരരുമായി ഏറ്റുമുട്ടൽ. ബാരാമുള്ളയിലെ സോപോറിൽ നടന്ന ഏറ്റുമുട്ടലിൽ രണ്ട് ഭീകരരെ വധിച്ചു. ഇന്നലെ രാത്രി മുതലാണ് പ്രദേശത്ത് ഏറ്റുമുട്ടൽ ആരംഭിച്ചത്. ജമ്മു കശ്മീർ പൊലീസും സൈന്യവും സംയുക്തമായി നടത്തിയ ഓപ്പറേഷനിലാണ് ഭീകരരെ കൊലപ്പെടുത്തിയത്. ഇവരുടെ പക്കൽ നിന്നും നിരവധി ആയുധങ്ങളും കണ്ടെടുത്തു. പ്രദേശത്ത് ഭീകരർ തമ്പടിച്ചതായുള്ള രഹസ്യവിവരത്തെത്തുടർന്നാണ് തിരച്ചിൽ ആരംഭിച്ചത്. അതിനിടെ ഭീകരർ സൈന്യത്തിന് നേർക്ക് ആക്രമണം ആരംഭിക്കുകയായിരുന്നു. ഇന്നലെ കിഷ്ത്വാർ മേഖലയിൽ നിന്ന് രണ്ട് വില്ലേജ് ഡിഫൻസ് ഗാർഡുകളെ ഭീകരർ തട്ടിക്കൊണ്ടുപോയി കൊലപ്പെടുത്തിയിരുന്നു. Read on deshabhimani.com