ജിം ട്രെയിനർ ഫ്ലാറ്റിൽ കൊല്ലപ്പെട്ട നിലയിൽ; സുഹൃത്ത് അറസ്റ്റിൽ
ന്യൂഡൽഹി > ഇരുപത്തിയൊന്നുകാരിയായ ജിം ട്രെയിനറെ ഫ്ലാറ്റിൽ കൊല്ലപ്പെട്ട നിലയിൽ കണ്ടെത്തി. സംഭവത്തിൽ 24കാരനായ സുഹൃത്തിനെ പൊലീസ് അറസ്റ്റ് ചെയ്‌തു. അസം സ്വദേശിയായ സ്നേഹ നാഥ് ചൗധരിയാണ് കൊല്ലപ്പെട്ടത്. ദ്വാരകയിലെ ഫ്ലാറ്റിൽ കൊലപാതകശ്രമം നടന്നെന്ന വിവരത്തിന്റെ അടിസ്ഥാനത്തിൽ പൊലീസെത്തി പരിശോധിച്ചപ്പോഴാണ് സ്നേഹയെ അബോധാവസ്ഥയിൽ കണ്ടെത്തിയത്. ആശുപത്രിയിലെത്തിച്ചപ്പോഴേക്കും മരിച്ചിരുന്നു. സ്നേഹയും പ്രതിയായ രാജും തമ്മിൽ പരിചയമുണ്ടായിരുന്നുവെന്നും വാക്കുതർക്കത്തെതുടർന്ന് സ്നേഹയെ രാജ് കൊലപ്പെടുത്തുകയായിരുന്നുവെന്നുമാണ് വിവരം. Read on deshabhimani.com