ഹരിയാനയിൽ നിയമസഭാ തെരഞ്ഞെടുപ്പ് ഒക്ടോബർ അഞ്ചിന്
ന്യൂഡൽഹി > ഹരിയാനയിൽ നിയമസഭാ തെരഞ്ഞെടുപ്പ് ഒക്ടോബർ അഞ്ചിലേക്ക്‌ മാറ്റി. ഒക്ടോബർ ഒന്നിന്‌ പ്രഖ്യാപിച്ചിരുന്ന വോട്ടെടുപ്പ്‌ ബിഷ്‌ണോയ്‌ വിഭാഗത്തിന്റെ പരമ്പരാഗതആഘോഷങ്ങൾ കണക്കിലെടുത്ത്‌ ഒക്ടോബർ അഞ്ചിലേക്ക്‌ മാറ്റുകയാണെന്ന്‌ തെരഞ്ഞെടുപ്പ് കമീഷൻ അറിയിച്ചു. ഒക്ടോബർ എട്ടിന്‌ വോട്ടെണ്ണൽ നടക്കും. ജമ്മുകശ്‌മീരിൽ വോട്ടെടുപ്പ്‌ മുൻ നിശ്‌ചയിച്ചത്‌ പോലെ മൂന്ന്‌ഘട്ടങ്ങളായി നടക്കും. അതേസമയം, രണ്ടിടത്തേയും വോട്ടെണ്ണൽ ഒക്ടോബർ എട്ടിലേക്ക്‌ മാറ്റി. നേരത്തെ ഒക്ടോബർ നാലിന്‌ ഹരിയാനയിലും ജമ്മുകശ്‌മീരിലും വോട്ടെണ്ണൽ പ്രഖ്യാപിച്ചിരുന്നത്‌. ഹരിയാനയിലെ തെരഞ്ഞെടുപ്പ് മാറ്റിവെക്കണമെന്ന്‌ ബിജെപി ആവശ്യപ്പെട്ടിരുന്നു. പരാജയഭീതി മൂലം ബാലിശമായ കാരണങ്ങൾ ഉന്നയിച്ച്‌ ബിജെപി തെരഞ്ഞെടുപ്പ് നീട്ടുകയാണെന്ന്‌ കോൺഗ്രസ് ആരോപിച്ചു. Read on deshabhimani.com