സാമൂഹ്യമാധ്യമങ്ങൾ വഴി തോക്ക് വിൽപ്പന; യുപിയിൽ 7 പേർ അറസ്റ്റിൽ
ലക്നൗ > സാമൂഹ്യമാധ്യമങ്ങൾ വഴി തോക്ക് വിൽപ്പന നടത്തിയ 7 പേർ അറസ്റ്റിൽ. ഫേസ്ബുക്കും ഇൻസ്റ്റഗ്രാമും അടക്കമുള്ള സോഷ്യൽ മീഡിയ പ്ലാറ്റ്ഫോമിൽക്കൂടിയാണ് വിൽപ്പന നടത്തിയത്. മുസഫർനഗറിൽ നിന്നാണ് ഇവരെ പിടികൂടിയത്. അസം റിസ്വി, മനിഷ് കുമാർ, വിവേക് നഗർ, റിഷഭ് പ്രജാപതി, പ്രദീപ് കുമാർ, വിശാൽ, പ്രതീക് ത്യാഗി എന്നിവരാണ് അറസ്റ്റിലായത്. അനധികൃതമായി തോക്ക് വിൽപ്പന നടത്തുന്നു എന്ന വിവരത്തെത്തുടർന്ന് നടത്തിയ വാഹനപരിശോധനയിലാണ് പ്രതികളെ പിടികൂടിയത്. ഓൺലൈൻ വഴിയാണ് ഇവർ പണമിടപാടുകൾ നടത്തിയിരുന്നതെന്ന് പൊലീസ് പറഞ്ഞു. Read on deshabhimani.com