എയർ ഫോഴ്സിന്റെ മിഗ്- 29 യുദ്ധവിമാനം തകർന്നു വീണു
ആഗ്ര > ഇന്ത്യൻ എയർഫോഴ്സിന്റെ മിഗ്- 29 ഫൈറ്റർ ജെറ്റ് തകർന്നു വീണു. ആഗ്രയ്ക്ക് സമീപമുള്ള പാടശേഖരത്തിലാണ് ജെറ്റ് തകർന്നു വീണത്. പൈലറ്റ് രക്ഷപെട്ടു.പരിശീലന പറക്കലിനിടെയാണ് വിമാനം തകർ‌ന്നുവീണത്. പഞ്ചാബിലെ അധംപൂരിൽ നിന്ന് ആഗ്രയിലേക്കുള്ള യാത്രയിലായിരുന്നു വിമാനം. വിമാനം തകർന്ന ഉടൻ തന്നെ പൈലറ്റ് പുറത്തേക്ക് ചാടി രക്ഷപെടുകയായിരുന്നു. താഴെ വീണ വിമാനത്തിന് തീപിടിച്ചു. സംഭവത്തിന്റെ ദൃശ്യങ്ങൾ സാമൂഹ്യമാധ്യമങ്ങളിൽ പ്രചരിച്ചു. കൂടുതൽ വിവരങ്ങൾ ലഭ്യമല്ല. Read on deshabhimani.com