ഭിന്നശേഷിക്കാരെ അധിക്ഷേപിച്ചു; മോട്ടിവേഷണൽ സ്പീക്കർ മഹാവിഷ്ണു അറസ്റ്റിൽ
ചെന്നൈ > ഭിന്നശേഷിക്കാരെപ്പറ്റി അധിക്ഷേപ പരാമർശം നടത്തിയ മോട്ടിവേഷണൽ സപീക്കർ മഹാവിഷ്ണു അറസ്റ്റിൽ. ഓസ്ട്രേലിയലിൽ നിന്ന് ചെന്നൈ വിമാനത്താവളത്തിലെത്തിയപ്പോഴാണ് മഹാവിഷ്ണുവിനെ അറസ്റ്റ് ചെയ്തത്. പരംപൊരുൾ ഫൗണ്ടേഷന്റെ സ്ഥാപകനാണ് ഇയാൾ. സെപ്തംബർ അഞ്ചിന് സെയ്താപേട്ട്, അശോകനഗർ എന്നിവിടങ്ങളിലെ സ്കൂളുകളിൽ നടത്തിയ വിവാദ പ്രഭാഷണത്തെത്തുടർന്നാണ് അറസ്റ്റ്. ഭിന്നശേഷിക്കാരെ അപമാനിക്കുന്ന തരത്തിലായിരുന്നു മഹാവിഷ്ണുവിന്റെ പ്രസംഗം. മുജ്ജന്മത്തിലെ പ്രവൃത്തികളുടെ ഫലമായാണ് പാവപ്പെട്ടവരും ഭിന്നശേഷിക്കാരുമായി ആളുകൾ ജനിക്കുന്നതെന്നായിരുന്നു വിവാദമായ പരാമർശം. പരാമർശത്തെ ചോദ്യം ചെയ്ത കാഴ്ചപരിമിതിയുള്ള അധ്യാപികയെ ഇയാൾ അപമാനിക്കുകയും ചെയ്തു. സംഭവത്തിന്റെ വീഡിയോ പുറത്തുവന്നതോടെ വ്യാപക പ്രതിഷേധം ഉയർന്നിരുന്നു. Read on deshabhimani.com