ബസ്തറിൽ ബിജെപിയുടെ മെമ്പർഷിപ്പ് ഡ്രൈവിന് നക്‌സൽ ഭീഷണി
റായ്പ്പൂർ > ചത്തീസ്ഗഡിലെ സൗത്ത് ബസ്തറിൽ ബിജെപിയുടെ മെമ്പർഷിപ്പ് ഡ്രൈവിന് നക്‌സൽ ഭീഷണി. ദക്ഷിണ ബസ്തറിലെ ബീജാപ്പൂരിലെയും സുക്മയിലെയും അംഗത്വ യജ്ഞത്തെ ഭീഷണി കാര്യമായി ബാധിച്ചെന്ന് ബിജെപി നേതൃത്വം അറിയിച്ചു. അംഗത്വ ഡ്രൈവ് ആരംഭിച്ച നക്സലുകൾ പ്രദേശങ്ങളിൽ ബിജെപിയുടെ സംഘ‌ടനാ പ്രവർത്തനം നിർത്തണമെന്നും അല്ലെങ്കിൽ പ്രത്യാഘാതങ്ങൾ നേരിടേണ്ടി വരുമെന്നും അറിയിച്ച് പ്രാദേശിക നേതാക്കളെ ഭീഷണിപ്പെടുത്തിയെന്നാണ് ആരോപണം. ബിജെപിയുടെ പ്രാദേശിക നേതാക്കളായ യമൽ വെങ്കിടേശ്വരും ബിലാൽ ഖാനുമാണ് ആരോപണമായി രംഗത്തെത്തിയത്. എന്നാൽ ബുധനാഴ്ചയോടെ പുതിയ അംഗങ്ങൾ ഛത്തീസ്ഗഡിൽ ബിജെപിയിൽ ചേർന്നു. അംഗത്വ യജ്ഞം ഒക്ടോബർ 25 വരെ തുടരുമെന്നാണ് റിപ്പോർട്ടുകൾ. Read on deshabhimani.com