അധിക്ഷേപ പരാമർശം: യൂട്യൂബർക്കെതിരെ സൗരവ് ഗാംഗുലി പൊലീസില്‍ പരാതി നല്‍കി
കൊൽക്കത്ത> സമൂഹമാധ്യമത്തിലൂടെ അധിക്ഷേപിച്ചെന്നുകാട്ടി യൂട്യൂബർക്കെതിരെ ഇന്ത്യൻ മുൻ ക്രിക്കറ്റ്‌ ക്യാപ്‌റ്റനും ബിസിസിഎ മുൻ അധ്യക്ഷനുമായ സൗരവ് ഗാംഗുലി പൊലീസിൽ പരാതി നൽകി. പശ്ചിമ ബംഗാളിലെ ആർ ജി കര്‍ മെഡിക്കൽ കോളേജിലെ ജൂനിയർ ഡോക്ടറെ ബലാത്സംഗംചെയ്ത കൊലപ്പെടുത്തിയ സംഭവത്തിൽ ഗാംഗുലി നടത്തിയ പരാമർശം തെറ്റായ രീതിയിൽ ഉപയോഗിച്ചെന്ന് കാട്ടി യൂടൂബർ മൃൺമോയ് ദാസിനെതിരെയാണ് താരം പരാതി നൽകിയത്. പരാതി ഓൺലൈനായി ലഭിച്ചതായി കൊൽക്കത്ത പൊലീസ് സൈബർ സെൽ അറിയിച്ചു. വിഷയം പരിശോധിച്ച ശേഷം നടപടിയെടുക്കുമെന്നും പൊലീസ് പറഞ്ഞു. Read on deshabhimani.com