സമൂസ കിട്ടിയില്ലെങ്കിലും പ്രതിച്ഛായ കൂട്ടാൻ ഹിമാചൽ മുഖ്യമന്ത്രി
ഷിംല സമൂസ കിട്ടാത്തതിൽ സിഐഡി അന്വേഷണം പ്രഖ്യാപിച്ച ഹിമാചൽ പ്രദേശിലെ കോൺഗ്രസ് മുഖ്യമന്ത്രി സുഖ്‌‍വീന്ദര്‍ സിങ് "പ്രതിച്ഛായ' കൂട്ടാൻ പുതിയ ഐ‍ഡിയയുമായി രംഗത്ത്. വിവിധ വകുപ്പുകളുടെ പരിപാടികളിലും പൊതുപരിപാടികളിലും മുഖ്യമന്ത്രി പങ്കെടുക്കുന്ന ചിത്രം പബ്ലിക് റിലേഷൻസ് ഡയറക്ടറുടെ മുൻകൂര്‍ അനുമതിയില്ലാതെ മാധ്യമങ്ങള്‍ക്ക് നൽകരുതെന്ന് സെക്രട്ടറിമാരോടും വകുപ്പ് തലവന്‍മാരോടും സര്‍ക്കാര്‍ നിര്‍ദേശിച്ചു. മുഖ്യമന്ത്രിയുടെ ചില മുഖഭാവവും ആംഗ്യങ്ങളും പ്രചരിക്കുന്നത് സര്‍ക്കാരിന്റെയും പൊതു ഇമേജിനെ ബാധിക്കുമെന്ന പേരിലാണ് പബ്ലിക് റിലേഷൻസ് വകുപ്പിന്റെ നടപടി. മുഖ്യമന്ത്രിക്കായി കൊണ്ടുവന്ന സമൂസ കാണാതായ സംഭവത്തിൽ സിഐഡി അന്വേഷണം പ്രഖ്യാപിച്ചത് വൻ ചര്‍ച്ചയായതിനുപിന്നാലെയാണ് പുതിയ നടപടി. Read on deshabhimani.com