എസി മുറിയിൽ എലിവിഷം തളിച്ചു: രണ്ട് കുട്ടികൾക്ക് ദാരുണാന്ത്യം; മാതാപിതാക്കൾ ആശുപത്രിയിൽ
ചെന്നൈ > ചെന്നൈയിൽ എസി മുറിയിൽ എലിവിഷം തളിച്ചതിനെത്തുടർന്ന് രണ്ട് കുട്ടികൾക്ക് ദാരുണാന്ത്യം. കുട്ടികളുടെ മാതാപിതാക്കൾ ആശുപത്രിയിൽ ചികിത്സയിലാണ്. ചെന്നൈ കുന്ദ്രത്തൂരിലാണ് സംഭവം. ബാങ്ക് ജീവനക്കാരനായ ഗിരിധരന്റെയും പവിത്രയുടെയും നാലും ഒന്നും വയസ് പ്രായമുള്ള കുട്ടികളാണ് വിഷം കലർന്ന വാതകം ശ്വസിച്ച് മരിച്ചത്. ബുധനാഴ്ച രാത്രിയായിരുന്നു സംഭവം. വീട്ടിൽ എലിശല്യം രൂക്ഷമായതിനൽ ഗിരിധർ പ്രദേശത്തുള്ള ഒരു ഏജൻസിയെ സമീപിച്ചിരുന്നു. ഇവർ വീട്ടിലെത്തി കീടനാശിനി തളിക്കുകയും മുറികളിൽ എലിവിഷം പൊടിച്ചിടുകയും ചെയ്തു. രാത്രി മുറിയിലെ എസി ഓൺ ചെയ്ത് കിടന്ന കുടുംബാംഗങ്ങൾ പിന്നീട് അസ്വസ്ഥത പ്രകടിപ്പിച്ചുതുടങ്ങി. അയൽക്കാർ ഇവരെ ആശുപത്രിയിൽ എത്തിച്ചെങ്കിലും കുട്ടികൾ മരിച്ചിരുന്നു. തുടർന്ന് പൊലീസിൽ വിവരമിറിയിക്കുകയായിരുന്നു. അന്വേഷണത്തിൽ അളവിലും കൂടുതൽ എലിവിഷം വീട്ടിൽ തളിച്ചതായി കണ്ടെത്തി. സംഭവത്തിൽ ഒരാളെ പൊലീസ് അറസ്റ്റ് ചെയ്തിട്ടുണ്ട്. Read on deshabhimani.com