രണ്ടു വയസുകാരനെ നിലത്തെറിഞ്ഞ് കൊന്നു; പിതാവ് പിടിയിൽ
ലക്നൗ > രണ്ടു വയസുകാരനെ നിലത്തെറിഞ്ഞ് കൊലപ്പെടുത്തിയ പിതാവ് പിടിയിൽ. ധാരാപൂർ സ്വദേശിയായ ഷാരൂണാണ് പിടിയിലായത്. ഇയാളുടെ ഭാര്യ നഗ്മ ബാനോ നൽകിയ പരാതിയിലാണ് അറസ്റ്റ്. ഉന്നാവോ ജില്ലയിലെ ബാംഗർമൗവിൽ ശനിയാഴ്ചയാണ് സംഭവം. മദ്യപിച്ചെത്തിയ ശേഷം ഇയാൾ ഭാര്യയുമായി നിരന്തരമായി വഴക്കിട്ടിരുന്നു. നഗ്മയെ മർദിക്കുകയും ചെയ്തിരുന്നു. ശനിയാഴ്ച മദ്യപിച്ചെത്തിയ ഷാരൂൺ നഗ്മയെ ഉപദ്രവിക്കാൻ തുടങ്ങി. എതിർത്തപ്പോൾ ഇവരുടെ 2 വയസായ ആൺകുട്ടിയെ കയ്യിൽ പിടിച്ച് നിലത്തേക്ക് എറിയുകയായിരുന്നു. കുട്ടി തൽക്ഷണം മരിച്ചു. മൃതദേഹം പോസ്റ്റ്മോർട്ടത്തിനായി അയച്ചു. ഡ്രെവറായി ജോലി ചെയ്യുകയാണ് ഇയാൾ. നാട്ടുകാരാണ് ഷാരൂണിനെ തടഞ്ഞുവച്ച് പൊലീസിനെ വിവരമറിയിച്ചത്. Read on deshabhimani.com