എസ് സുധീശൻ വാർത്തകൾക്കിടയിലെ എഴുത്തും ജീവിതവും പ്രകാശനം ചെയ്തു
ഷാർജ > ഡോ.നടയ്ക്കൽ ശശി എഡിറ്റ് ചെയ്ത് ഹരിതം ബുക്സ് പ്രസിദ്ധീകരിച്ച ‘എസ് സുധീശൻ വാർത്തകൾക്കിടയിലെ എഴുത്തും ജീവിതവും' എന്ന പുസ്തകം ഷാർജ അന്താരാഷ്ട്ര പുസ്തകോത്സവത്തിൽ പ്രകാശനം ചെയ്തു. റൈറ്റേഴ്സ് ഫൊറത്തിൽ നടന്ന ചടങ്ങിൽ വേൾഡ് മലയാളീ കൗൺസിൽ ഗ്ലോബൽ വൈസ് പ്രസിഡന്റ്‌ ചാൾസ് പോൾ അധ്യക്ഷനായി. ഷാർജ ബുക്ക് ഫെയർ സിഇഒ മോഹൻകുമാർ, ഡബ്ല്യുഎംസി. ഗ്ലോബൽ മീഡിയ ഫോറം സെക്രട്ടറി വിഎസ്ബിജുകുമാറിന്‌ പുസ്തകം നൽകിയാണ്‌ പ്രകാശനം ചെയ്തത്‌. ഹരിതം ബുക്സ് ചെയർമാൻ പ്രതാപൻ തായാട്ട്, റിയാസ് മുഹമ്മദ്, ശങ്കരനാരായണൻ, മിഡിലീസ്റ്റ് ട്രഷറർ ജൂഡിൻ ഫെർണാണ്ടസ് എന്നിവർ ആശംസകൾ അറിയിച്ചു. Read on deshabhimani.com