ബുറൈമി ടൗൺ സൗഹൃദ വേദി കുട്ടികൾക്കായി ചിത്ര രചന മത്സരം സംഘടിപ്പിച്ചു
ബുറൈമി > കുട്ടികളിലെ ചിത്ര കലാ അഭിരുചി പ്രോത്സാഹിപ്പിക്കാൻ ലക്ഷ്യമിട്ട് ബുറൈമി ടൌൺ സഹൃദ വേദി ബുറൈമിയിലെ ഡേ ടു ഡേ വ്യാപാര കേന്ദ്രത്തിൽ വെച്ച് ചിത്ര രചന മത്സരവും വനിതകൾക്കായി ഫൺ ഗെയിംസും നടത്തി. വിവിധ പ്രായക്കാരായ കുട്ടികളുടെ തരം തിരിച്ചുള്ള മത്സരത്തിൽ കൊച്ചു കുട്ടികൾക്ക് കളറിങ്ങും മുതിർന്ന കുട്ടികൾക്ക് പെൻസിൽ ഡ്രോയിങ്ങും നടത്തി. എഴുപതോളം കുട്ടികൾ മത്സരത്തിൽ പങ്കെടുത്തു. ഇന്ത്യൻ സ്കൂൾ ഡ്രോയിങ് അദ്ധ്യാപകൻ സൈദ് എം ഹസ്സൻ, ഷിൻജു ജോസഫ്, ഗോപിക പി എന്നിവരായിരുന്നു വിധികർത്താക്കൾ. ഡേ ടു ഡേ മാനേജർ യാക്കൂബും ബുറൈമി ടൗൺ സൗഹൃദ വേദി അംഗങ്ങളും ചേർന്ന് സമ്മാന വിതരണം നടത്തി. Read on deshabhimani.com