അണക്കെട്ടുകൾക്കും കനാൽ പദ്ധതികൾക്കും യുഎഇ എക്‌സിക്യൂട്ടീവ് കമ്മിറ്റി അംഗീകാരം നൽകി
ദുബായ് > രാജ്യത്തിൻ്റെ ജല അടിസ്ഥാന സൗകര്യങ്ങൾ വർദ്ധിപ്പിക്കുന്നതിന്റെ ഭാഗമായി അണക്കെട്ടുകളുടെയും കനാലുകളുടെയും പുതിയ പാക്കേജിന് യുഎഇയുടെ എക്‌സിക്യൂട്ടീവ് കമ്മിറ്റി ഓഫ് ഇനിഷ്യേറ്റീവ്സ് അംഗീകാരം നൽകി. യുഎഇ രാഷ്‌ട്രപതി ഷെയ്ഖ് മുഹമ്മദ് ബിൻ സായിദ് അൽ നഹ്യാൻ്റെ നിർദേശങ്ങൾ അനുസരിച്ച് ഉപരാഷ്ട്രപതിയും ഉപപ്രധാനമന്ത്രിയും പ്രസിഡൻഷ്യൽ കോടതി ചെയർമാനുമായ ഷെയ്ഖ് മൻസൂർ ബിൻ സായിദ് അൽ നഹ്യാൻ്റെ തുടർനടപടികൾക്ക് കീഴിലാണ് പദ്ധതി നടപ്പിലാക്കുക. ഒമ്പത് പുതിയ അണക്കെട്ടുകൾ നിർമ്മിക്കാനും നിലവിലുള്ള രണ്ടെണ്ണം വികസിപ്പിക്കാനും നിരവധി തടയണകൾ നിർമ്മിക്കാനുമുള്ള പദ്ധതികൾ കമ്മിറ്റി പ്രഖ്യാപിച്ചു. Read on deshabhimani.com