രണ്ടാംജയം തേടി ഗോകുലം
ശ്രീനഗർ ഐ ലീഗ് ഫുട്‌ബോളിൽ രണ്ടാംജയം തേടി ഗോകുലം കേരള ഇന്ന്‌ റിയൽ കശ്‌മീരിനെ നേരിടും. ശ്രീനഗറിൽ പകൽ രണ്ടിനാണ്‌ മത്സരം. ആദ്യകളിയിൽ ശ്രീനിധി ഡെക്കാനെ 3–-2ന്‌ വീഴ്‌ത്തിയ ആത്മവിശ്വാസത്തിലാണ്‌ ഗോകുലം. മൂന്ന്‌ പോയിന്റുമായി പട്ടികയിൽ രണ്ടാമതാണ്‌. രാജസ്ഥാൻ യുണൈറ്റഡിനെ രണ്ട്‌ ഗോളിന്‌ തോൽപ്പിച്ച റിയൽ കശ്‌മീർ പട്ടികയിൽ ഒന്നാമതാണ്‌. രണ്ടാംമത്സരത്തിൽ ഐസ്വാൾ എഫ്‌സി സ്‌പോർട്ടിങ്‌ ക്ലബ്‌ ബംഗളൂരുവിനെ നേരിടും. Read on deshabhimani.com