ബ്ലാസ്റ്റേഴ്സിന് വീണ്ടും തോൽവി
കൊച്ചി > ഐഎസ്എൽ ഫുട്ബോളിൽ കേരള ബ്ലാസ്റ്റേഴ്സിന് വീണ്ടും തോൽവി. ഹൈദരാബാദ്‌ എഫ്‌സിയോട്‌ ഒന്നിനെതിരെ രണ്ട് ഗോളുകൾക്കാണ് തോറ്റത്. വിവാദമായ പെനാൽറ്റിയിലൂടെയായിരുന്നു ഹൈദരാബാദിന്റെ ഒരു ഗോൾ. ആദ്യ പകുതിയിൽ ലീഡ് നേടിയ ശേഷമായിരുന്നു ബ്ലാസ്റ്റേഴ്സിന്റെ തോൽവി. ഇതോടെ ലീഗിലെ തുടർച്ചയായ മൂന്നാം തോൽവിയാണിത്. ഹെസ്യൂസ്‌ ഹിമിനെസാണ് ബ്ലാസ്റ്റേഴ്സിനായി ഗോൾ നേടിയത്. ആന്ദ്രേ ആൽബ ഹൈദരാബാദിനായി ഇരട്ടഗോളടിച്ചു. നിലവിൽ എട്ട്‌ കളിയിൽ എട്ട്‌ പോയിന്റുമായി പത്താമതാണ്‌ ബ്ലാസ്റ്റേഴ്സ്. 24ന് ചെന്നൈയിൻ എഫ്‌സിയുമായി കൊച്ചിയിൽ വച്ചാണ് ബ്ലാസ്റ്റേഴ്സിന്റെ അടുത്ത കളി. Read on deshabhimani.com