പുതുചരിത്രം; സ്കൂൾ കായികമേള അത്ലറ്റിക്സ് കിരീടം മലപ്പുറത്തിന്
കൊച്ചി> സംസ്ഥാന സ്കൂൾ കായികമേളയുടെ അത്‌ലറ്റിക്‌സിൽ മലപ്പുറത്തിന്റെ പെരുമ്പറ. എറണാകുളത്തിന്റെയും പാലക്കാടിന്റെയും കോട്ടകൾ തകർത്തെറിഞ്ഞ്‌ കൊച്ചിയിലെ സിന്തറ്റിക്‌ ട്രാക്കിൽ പുതുചരിത്രമെഴുതി അത്ലറ്റിക്സ് കിരീടം മലപ്പുറം സ്വന്തമാക്കി. നാല് മത്സരങ്ങൾ കൂടി ബാക്കിനില്‍ക്കെ 231 പോയിന്റ് നേടിയതോടെയാണ് മലപ്പുറം കന്നികിരീടം ഉറപ്പിച്ചത്. 189 പോയിന്റുമായി പാലക്കാട് ആണ് രണ്ടാം സ്ഥാനത്ത്. നിന്തലിനു പിന്നാലെ ഗെയിസിലും ജേതാക്കളായ തിരുവന്തപുരം ഓവറോള്‍ ചാമ്പ്യന്മാരായിരുന്നു. ഗെയിസില്‍ 144 സ്വര്‍ണമടക്കം 1213 പോയിന്റോടെയാണ് തിരുവനന്തപുരം ആധിപത്യമുറപ്പിച്ചത്. ഓവറോള്‍ നേട്ടത്തിലും ബഹുദൂരം(1926 പോയിന്റ്) മുന്നിലെത്തി. Read on deshabhimani.com