അർജന്റീനയ-്ക്ക് മൂന്ന്‌ ഗോൾ ജയം
ബ്യൂണസ്‌ ഐറിസ്‌ ലോകകപ്പ് ഫുട്‌ബാൾ യോഗ്യതയിൽ അർജന്റീനയ്‌ക്ക്‌ തകർപ്പൻ ജയം. ലാറ്റിനമേരിക്കൻ മേഖലയിൽ ചിലിക്കെതിരെ മൂന്ന്‌ ഗോൾ ജയമാണ്‌ നേടിയത്‌. ലയണൽ മെസിയുടെ അഭാവത്തിലും അർജന്റീനയുടെ കരുത്ത്‌ ചോർന്നില്ല. പൗളോ ഡിബാല 10–-ാംനമ്പർ കുപ്പായത്തിലിറങ്ങി ഗോളും നേടി. അലെക്‌സ്‌ മക്‌ അല്ലിസ്‌റ്റർ, ജൂലിയൻ അൽവാരെസ്‌ എന്നിവരും ലക്ഷ്യം കണ്ടു. 18 പോയിന്റുമായി പട്ടികയിൽ ഒന്നാമതാണ്‌ ലയണൽ സ്‌കലോണിയുടെ സംഘം. ഏഞ്ചൽ ഡി മരിയ വിരമിച്ചശേഷമുള്ള ആദ്യമത്സരം കൂടിയായിരുന്നു അർജന്റീനയ്‌ക്ക്‌. Read on deshabhimani.com