കിരീടം തേടി ഇന്ത്യ സിറിയയോട്‌
ഹൈദരാബാദ്‌ ഇന്റർകോണ്ടിനെന്റൽ കപ്പ്‌ ഫുട്‌ബോൾ കിരീടം നിലനിർത്താൻ ഇന്ത്യ ഇന്ന്‌ സിറിയയോട്‌. ജയിക്കുന്നവർ ചാമ്പ്യൻമാരാകും. സിറിയക്ക്‌ സമനിലയായാലും മതി. ഹൈദരാബാദിൽ രാത്രി ഏഴരയ്‌ക്കാണ്‌ മത്സരം. ഇന്ത്യ ആദ്യകളിയിൽ മൗറീഷ്യസിനോട്‌ ഗോളടിക്കാനാകാതെ പിരിഞ്ഞിരുന്നു. സിറിയയാകട്ടെ മൗറീഷ്യസിനെ രണ്ട്‌ ഗോളിന്‌ തോൽപ്പിച്ചു. പുതിയ പരിശീലകൻ മനോലോ മാർക്വസിനുകീഴിൽ ആദ്യ കളിക്കിറങ്ങിയ ഇന്ത്യ മോശം പ്രകടനമായിരുന്നു. കഴിഞ്ഞവർഷം നവംബർതൊട്ട്‌ ഒരു കളിയും ജയിച്ചിട്ടില്ല. റാങ്കിങ്ങിൽ ഇന്ത്യ 124–-ാമതും സിറിയ 93–-ാമതുമാണ്‌. Read on deshabhimani.com