ഏഷ്യൻ ചാമ്പ്യൻസ് ട്രോഫി ഹോക്കി ; ഇന്ത്യ ഇന്ന്‌ ജപ്പാനോട്‌
രാജ്ഗിർ വനിതകളുടെ ഏഷ്യൻ ചാമ്പ്യൻസ് ട്രോഫി ഹോക്കി സെമിയിൽ ഇന്ത്യ ഇന്ന്‌ ജപ്പാനെ നേരിടും. അവസാനമത്സരത്തിൽ ജപ്പാനെ മൂന്ന് ഗോളിന് തോൽപ്പിച്ചാണ്‌ 15 പോയിന്റുമായി ഇന്ത്യ ഒന്നാമതെത്തിയത്‌. ചൈനയും മലേഷ്യയും തമ്മിലാണ്‌ ആദ്യ സെമി. ഇന്ത്യയുടെ കളി വൈകിട്ട്‌ 4.45 മുതൽ സോണി സ്‌പോർട്‌സിൽ തത്സമയം കാണാം. അഞ്ച്‌ കളിയും ജയിച്ചാണ്‌ നിലവിലെ ജേതാക്കളായ ഇന്ത്യയുടെ കുതിപ്പ്‌. മലേഷ്യയെ നാല്‌ ഗോളിനും ദക്ഷിണകൊറിയയെ 3–-2നും തോൽപ്പിച്ചു. തായ്‌ലൻഡിനെ 13 ഗോളിന് തുരത്തി. ചൈനയെ മൂന്ന് ഗോളിന് കീഴടക്കിയിരുന്നു. Read on deshabhimani.com