രഞ്ജിയിൽ കേരളം ഇന്ന് ഹരിയാനയോട്‌
റോത്തക്ക്‌ രഞ്ജി ട്രോഫി ക്രിക്കറ്റ് മത്സരത്തിൽ കേരളം ഇന്ന് ഹരിയാനയെ നേരിടും. ഇരുടീമിനും നാലു കളിയിൽ രണ്ടുവീതം ജയവും സമനിലയുമുണ്ട്‌. എലൈറ്റ്‌ ഗ്രൂപ്പ്‌ സിയിൽ 19 പോയിന്റുമായി ഹരിയാനയാണ് ഒന്നാമത്‌. 15 പോയിന്റുമായി കേരളം രണ്ടാംസ്ഥാനത്താണ്. തിരുവനന്തപുരം തുമ്പയിൽ നടന്ന മത്സരത്തിൽ ഉത്തർപ്രദേശിനെ ഇന്നിങ്‌സിനും 117 റണ്ണിനുമാണ് കേരളം പരാജയപ്പെടുത്തിയത്. പഞ്ചാബിനെ എട്ട്‌ വിക്കറ്റിന്‌ കീഴടക്കി. ബംഗാളിനും കർണാടകത്തിനും എതിരായ മത്സരങ്ങൾ മഴ തടസ്സപ്പെടുത്തിയതിനാൽ സമനിലയായി. Read on deshabhimani.com