കിവീസിനെ തകർത്ത് പരമ്പര വിജയവുമായി ലങ്ക; ജയം ഇന്നിങ്‌സിനും 154 റൺസിനും
ഗാലെ> ന്യൂസിലൻഡിനെതിരായ ടെസ്റ്റ് പരമ്പര സ്വന്തമാക്കി ശ്രീലങ്ക. രണ്ടാം ക്രിക്കറ്റ് ടെസ്റ്റിൽ കിവീസിനെ ഇന്നിങ്‌സിനും 154 റൺസിനും തകർത്താണ് ലങ്ക പരമ്പര തൂത്തുവാരിയത്. സ്‌കോർ: ശ്രീലങ്ക 602/5 ഡിക്ല. ന്യൂസിലൻഡ്‌ 88, 360. ഒന്നാം ഇന്നിങ്‌സിൽ അഞ്ച് വിക്കറ്റ് നഷ്ടത്തിൽ 602 റൺസെടുത്ത് ശ്രീലങ്ക ഇന്നിങ്‌സ് ഡിക്ലയർ ചെയ്യുകയായിരുന്നു. മറുപടി ബാറ്റിംഗിനിറങ്ങിയ കിവീസ് വെറും 88 റൺസിന് പുറത്തായി. 514 റൺസിന്റെ ഒന്നാം ഇന്നിങ്‌സ് കടവുമായി ഫോളോ ഓണിനിറങ്ങിയ കിവീസിനെ 360 റൺസിന് പുറത്താക്കിയാണ് ലങ്ക ഇന്നിങ്‌സ് ജയവും പരമ്പരയും സ്വന്തമാക്കിയത്. Read on deshabhimani.com