മാരുതി സ്വിഫ്റ്റ് സിഎൻജി വിപണിയിൽ അവതരിപ്പിച്ചു: 32.85 കിലോമീറ്റർ മൈലേജാണ് ഹൈലൈറ്റ്
ഡൽഹി > മാരുതി സുസുക്കിയുടെ സ്വിഫ്റ്റ് സിഎൻജി ഇന്ത്യൻ വിപണിയിൽ അവതരിപ്പിച്ചു. 32.85 കിലോമീറ്റർ മൈലേജോടെ ഓടുന്ന മാരുതിയുടെ ആദ്യ സിഎൻജി കാറാണ് സ്വിഫ്റ്റെന്ന സവിശേഷത കൂടിയുണ്ട്. മാരുതി സ്വിഫ്റ്റ് സിഎൻജിയുടെ പ്രാരംഭ എക്സ്-ഷോറൂം വില 8.20 ലക്ഷം രൂപയാണ്. സ്വിഫ്റ്റ് സിഎൻജി ഉപഭോക്താക്കൾക്ക് ഒരു കിലോഗ്രാമിന് 32.85 കിലോമീറ്റർ മൈലേജ് നൽകുമെന്ന് മാരുതി സുസുക്കി അവകാശപ്പെടുന്നു. ഈ മൈലേജ് കാര്യക്ഷമത പഴയ സ്വിഫ്റ്റ് സിഎൻജിയേക്കാൾ ആറ് ശതമാനം മികച്ചതാണ്. വലിയ സിഎൻജി സിലിണ്ടറാണ് കാറിന് ഉപയോഗിച്ചിരിക്കുന്നത്. ഇത് ബൂട്ടിൽ സ്ഥാനം പിടിച്ചിരിക്കുന്നു. മൈലേജിൻ്റെ കാര്യത്തിൽ, ഇത് മുമ്പത്തെ കെ സീരീസ് സിഎൻജി സ്വിഫ്റ്റിനേക്കാൾ മികച്ചതാണ്. ഈ കാർ CNG മോഡിൽ 32.85 km/kg വരെ മൈലേജ് നൽകുമെന്ന് കമ്പനി അവകാശപ്പെടുന്നു. മാരുതി സുസുക്കി സ്വിഫ്റ്റ് സിഎൻജിയിൽ പവർ അഡ്‍ജസ്റ്റ് ചെയ്യാവുന്ന വിംഗ് മിററുകൾ, ബോഡി-കളർ വിംഗ് മിററുകൾ, ഡോർ ഹാൻഡിലുകൾ, കവറുകളുള്ള 14 ഇഞ്ച് വീലുകൾ, ഉയരം ക്രമീകരിക്കാവുന്ന ഡ്രൈവർ സീറ്റ്, റിയർ പാഴ്സൽ ട്രേ, ആപ്പിൾ കാർപ്ലേ, ആൻഡ്രോയിഡ് എന്നിവയുണ്ട്. ഏഴ് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, 4 സ്പീക്കറുകൾ, സ്റ്റിയറിംഗ് മൗണ്ടഡ് കൺട്രോളുകൾ, ഒരു ഡേ/നൈറ്റ് ഐആർവിഎം എന്നിവയും ഉണ്ട്. ഇന്ത്യൻ വിപണിയിൽ പുതിയ മാരുതി സുസുക്കി സ്വിഫ്റ്റ് സിഎൻജിയുടെ VXi വേരിയൻ്റിൻ്റെ പ്രാരംഭ എക്സ്-ഷോറൂം വില 8,19,500 രൂപയിലും VXi(O) വേരിയൻ്റിൻ്റെ വില 8,46,500 രൂപയുമാണ്. അതേസമയം ZXi വേരിയൻ്റിൻ്റെ വില 9,19,500 രൂപയാണ്. Read on deshabhimani.com