കൊച്ചി > സൂര്യയെ പ്രധാന കഥാപാത്രമാക്കി ശിവ സംവിധാനം ചെയ്ത തമിഴ് ചിത്രം കങ്കുവയുടെ ട്രെയിലർ പുറത്ത്. പിരീഡ് ആക്ഷന്‍ ഡ്രാമ വിഭാഗത്തിൽ ഒരുങ്ങുന്ന ചിത്രമാണ് കങ്കുവ. 350 കോടി ബജറ്റിൽ, 38 ഭാഷകളിൽ ഒരുങ്ങുന്ന ചിത്രത്തിന്റെ റിലീസ്‌ ഒക്ടോബർ പത്തിനാണ്‌. ശ്രീ ഗോകുലം മൂവീസാണ്‌ സിനിമ കേരളത്തിലെത്തിക്കുന്നത്‌. കെ ഇ ജ്ഞാനവേൽ രാജ, വംശി പ്രമോദ് എന്നിവരാണ്‌ ചിത്രത്തിന്റെ നിർമാണം.
രണ്ട് ഭാഗങ്ങളായാണ് ചിത്രം ഒരുങ്ങുന്നത്. ബോബി ഡിയോൾ, ദിശാ പട്ടാണി എന്നിവരാണ്‌ സിനിമയിൽ മറ്റ്‌ പ്രധാന വേഷങ്ങളെ അവതരിപ്പിക്കുന്നത്‌. ദേവി ശ്രീ പ്രസാദ് സംഗീത സംവിധാനം നിർവഹിച്ചിരിക്കുന്ന ചിത്രത്തിന്റെ ഛായാഗ്രഹണം- വെട്രി പളനിസാമിയാണ്‌. നിഷാദ് യൂസഫാണ്‌ എഡിറ്റർ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
