ന്യൂയോർക്ക് > ബോക്സോഫീസിൽ കുതിപ്പ് ആരംഭിച്ച് അമേരിക്കൻ മ്യൂസിക്കൽ ഡ്രാമയായ വിക്കഡ്. ജോൺ എം ചുവിന്റെ സംവിധാനത്തിൽ 22ന് പുറത്തിറങ്ങിയ ചിത്രം 114 മില്യൺ ഡോളറാണ് ഓപ്പണിങ് കളക്ഷനായി നേടിയത്. 2024ലെ മൂന്നാമത്തെ ബിഗസ്റ്റ് ഓപ്പണിങ് കളക്ഷനാണ് ചിത്രത്തിന്റേത്. ഡെഡ്പൂൾ ആൻഡ് വോൾവറിൻ ( 211 മില്യൺ), ഇൻസൈഡ് ഔട്ട് 2 (154 മില്യൺ ) എന്നിവയാണ് വിക്കഡിനു മുമ്പിലുള്ളത്. 2014ൽ പുറത്തിറങ്ങിയ ഇൻ ടു ദ വുഡ്സ് (31 മില്യൺ) ആയിരുന്നു ഇതുവരെ മികച്ച ഓപ്പണിങ് കളക്ഷൻ നേടിയ ബ്രോഡ്വേ മ്യൂസിക്കൽ അഡാപ്റ്റേഷൻ ചിത്രം.
1995ൽ ഗ്രിഗറി മഗ്വയറാണ് വിക്കഡ്: ദി ലൈഫ് ആൻഡ് ടൈംസ് ഓഫ് ദി വിക്കഡ് വിച്ച് ഓഫ് ദി വെസ്റ്റ് എന്ന പേരിൽ നോവൽ പുറത്തിറക്കിയത്. 2003ൽ സ്റ്റീഫൻ ഷ്വാർട്‌സ് നോവലിന്റെ ബ്രോഡ്വേ സ്റ്റേജ് മ്യൂസിക്കൽ അവതരിപ്പിച്ചു. ഇത് ഏറെ ജനകീയമായി. തുടർന്നാണ് ചലച്ചിത്രാവിഷ്കാരം പുറത്തിറങ്ങിയത്. രണ്ട് ഭാഗങ്ങളായാണ് വിക്കഡ് എത്തുക. സിന്തിയ എറിവോ, അരിയാന ഗ്രാൻഡേ, ജോനാഥൻ ബെയ്‌ലി, ഈതൻ സ്ലേറ്റർ, ബോവൻ യാങ് എന്നിവരാണ് പ്രധാന കഥാപാത്രങ്ങൾ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
