കോട്ടയം > കേരള ഗണിതശാസ്ത്ര പരിഷത്ത് സംസ്ഥാനതല മാത്‍സ് ടാലന്റ് സെർച്ച്‌ പരീക്ഷയ്ക്ക്‌ (എംടിഎസ്ഇ) അപേക്ഷ ക്ഷണിച്ചു. കേരള, സിബിഎസ്ഇ, ഐസിഎസ്ഇ സിലബസുകളിൽ എൽകെജി മുതൽ പ്ലസ്ടുവരെ പഠിക്കുന്ന കുട്ടികൾക്ക് പരീക്ഷയിൽ പങ്കെടുക്കാം.
ഡിസംബർ എട്ടിന് ഒന്നാം ഘട്ട പരീക്ഷ നടക്കും. പ്രാഥമിക പരീക്ഷയിൽ മികവ് തെളിയിക്കുന്നവർക്കുള്ള രണ്ടാം ഘട്ട പരീക്ഷ 2025 ജനുവരി 25-ന് ജില്ലാ കേന്ദ്രങ്ങളിൽ നടക്കും. ഇതിൽ ഒന്നുമുതൽ പത്തുവരെ റാങ്ക് നേടുന്ന എല്ലാ വിഭാഗത്തിലുമുള്ള കുട്ടികൾക്ക് മെറിറ്റ് സർട്ടിഫിക്കറ്റും ക്യാഷ് അവാർഡും ലഭിക്കും.
വിശദവിവരങ്ങൾക്ക് 15 രൂപയുടെ തപാൽ സ്റ്റാമ്പ്‌ സഹിതം ജനറൽ സെക്രട്ടറി, കേരള ഗണിതശാസ്ത്ര പരിഷത്ത്, മണർകാട് പി.ഒ., കോട്ടയം 686019 എന്ന വിലാസത്തിൽ അപേക്ഷിക്കുക.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
