നാടിന് വേണ്ടി എന്തെല്ലാം ചെയ്യാനാകും എന്ന് നമുക്ക് കാണിച്ചുതന്ന വ്യക്തിയാണ് പി രാജീവ്: മേജര്‍ രവി
Tuesday Mar 12, 2019
കൊച്ചി > ഒരു രാജ്യസഭ എംപി ക്ക് നാടിന് വേണ്ടി എന്തെല്ലാം ചെയ്യാനാകും എന്ന് നമുക്ക് കാണിച്ചു തന്ന വ്യക്തിയാണ് പി രാജീവെന്ന് സിനിമാ സംവിധായകന്‍ മേജര്‍ രവി. അതിനാല്‍ ലോക്‌സഭയിലേക്ക് തെരഞ്ഞെടുക്കപ്പെടാന്‍ അദ്ദേഹം തികച്ചും യോഗ്യനാണ്. അവിടെ എത്തിയാല്‍ ഇതില്‍ കൂടുതല്‍ അദ്ദേഹത്തിന് ചെയ്യാനാകുമെന്നും മേജര്‍ രവി പറഞ്ഞു.
ഇന്ത്യയെ സ്‌നേഹിക്കുന്നവര്‍ ജനങ്ങള്‍ക്ക് ഉപകരിക്കുന്നവരെ വേണം ലോക്‌സഭയിലേക്ക് തെരഞ്ഞെടുത്ത് അയയ്ക്കാന്‍. രാജീവ് എനിക്ക് അനുജനെ പോലെയാണ്. എപ്പോഴും ചിരിക്കുന്ന മുഖത്തോടെയും കുട്ടികളുടെ നിഷ്‌ളകങ്കതയോടെയുമാണ് രാജീവിനെ കാണാനാകുന്നത്. ലോക്‌സഭയിലെ എംപിമാര്‍ പോലും ചോദിക്കാത്ത ചോദ്യങ്ങളാണ് കേരളത്തിലെ ജനങ്ങള്‍ക്ക് വേണ്ടി രാജ്യസഭയില്‍ രാജീവ് ചോദിച്ചത്.
ഇതിലും കൂടുതല്‍ അദ്ദേഹം ഇറങ്ങി പ്രവര്‍ത്തിക്കും എന്ന് തനിക്ക് ഉറപ്പുണ്ടെന്നും അതിനാല്‍ രാജീവിന് എല്ലാ ആശംസയും നേരുന്നതായും മേജര്‍ രവി പറഞ്ഞു. എല്‍ഡിഎഫ് തെരഞ്ഞെടുപ്പ് കണ്‍വെന്‍ഷനില്‍ സംസാരിക്കുകയായിരുന്നു മേജര്‍ രവി.