എന്നെ വിജയിപ്പിച്ചാൽ പാർലമെന്റിൽ നിങ്ങളുടെ ശബ‌്ദമാകാം: വീണാ ജോർജ‌്

നിങ്ങളെന്നെ വിജയിപ്പിച്ചാൽ ഞാൻ ഇന്ത്യൻ പാർലമെന്റിൽ നിങ്ങളുടെ ഓരോരുത്തരുടെയും ശബ്ദം ആകാം, പത്തനംതിട്ട ജില്ലയുടെ ശബ്ദമാകാം. കരഘോഷാരവങ്ങളോടെയാണ് പത്തനംതിട്ട ലോക‌്സഭാ എൽഡിഎഫ് സ്ഥാനാർത്ഥി വീണാ വീണാ ജോർജിന്റെ ഈ വാക്കുകളെ  റാന്നിക്കാർ എതിരേറ്റത്. എൽഡിഎഫ് സ്ഥാനാർത്ഥിയുടെ തെരഞ്ഞെടുപ്പ് പ്രചാരണാർത്ഥമുള്ള റാന്നി നിയോജക മണ്ഡലം കൺവൻഷനിൽ സംസാരിക്കുകയായിരുന്നു അവർ. 

കൺവൻഷൻ സിപിഐ എം പത്തനംതിട്ട ജില്ലാ സെക്രട്ടറി കെ പി ഉദയഭാനു ഉദ്ഘാടനം ചെയ്തു.   എൽഡിഎഫ് റാന്നി നിയോജകമണ്ഡലം കൺവീനർ എം വി വിദ്യാധരൻ അധ്യക്ഷനായി. സിപിഐ എം റാന്നി ഏരിയ സെക്രട്ടറി പി ആർ പ്രസാദ് സ്വാഗതം പറഞ്ഞു. രാജു ഏബ്രഹാം എംഎൽഎ, സിപിഐ ജില്ലാ സെക്രട്ടറി എ പി ജയൻ,  എൽഡിഎഫ് ജില്ലാ കൺവീനർ അലക്സ് കണമല, എൻസിപി സംസ്ഥാന നിർവാഹകസമിതിയംഗം ചെറിയാൻ ജോർജ് തമ്പു, കോൺ. എസ് സംസ്ഥാന സെക്രട്ടറി ചവറ സരസൻ, സിപിഐ എം ജില്ലാ കമ്മിറ്റി അംഗങ്ങളായ  പി എസ് മോഹനൻ, എസ് ഹരിദാസ്, കോമളം അനിരുദ്ധൻ, സിപിഐ ജില്ലാ അസി. സെക്രട്ടറി ബേബിച്ചൻ വെച്ചൂച്ചിറ, രാജു നെടുവമ്പുറം, ബിനു വർഗീസ്, പാപ്പച്ചൻ കൊച്ചു മേപ്രത്ത്, മനോജ് ചരളേൽ, ഫിലിപ്പ് കുരുടാമണ്ണിൽ, രജീവ് താമരപ്പള്ളിൽ, ബിനു തെള്ളിയിൽ, ഏബ്രഹാം കുളമട ,ശ്രീകുമാർ, സാംകുട്ടി വെട്ടാപാല, തോമസ് മാത്യു, ബഹനാൻ ജോസഫ്, എന്നിവർ സംസാരിച്ചു. 

1001 അംഗ ജനറൽ കമ്മിറ്റിയും 151 അംഗ എക്സി.കമ്മിറ്റിയും രൂപീകരിച്ചു. ഭാരവാഹികളായി എം വി വിദ്യാധരൻ (ചെയർമാൻ),  ബേബിച്ചൻ വെച്ചൂച്ചിറ, പാപ്പച്ചൻ കൊച്ചു മേപ്രത്ത്, പി എസ് മോഹനൻ, കോമളം അനിരുദ്ധൻ, അഡ്വ. മനോജ് ചരളേൽ, രജീവ് താമരപള്ളിൽ, ബിനു തെളളിയിൽ, തോമസ് മാത്യു, ബഹനാൻ ജോസഫ് , സാംകുട്ടി വെട്ടാപ്പാല(വൈസ് ചെയർമാൻമാർ),രാജു എബ്രഹാം എംഎൽഎ (സെക്രട്ടറി), എസ് ഹരിദാസ്, പി ആർ പ്രസാദ്, കെ സതീഷ്, ലിസി ദിവാൻ, ടി പി അനിൽകുമാർ, എബ്രഹാം കുളമട,  എം സി രാമചന്ദ്രൻ, ഫിലിപ്പ് മാത്യു കുരുടാമണ്ണിൽ, എം ബി ബിജു (സെക്രട്ടറിമാർ) എന്നിവരെ തെരഞ്ഞെടുത്തു.