‘ദില്‍ മേ രാജീവ് ദില്ലി മേ രാജീവ്’; വൈറലായി ബിജിബാലിന്റെ പാട്ട്‌
Tuesday Apr 2, 2019
കൊച്ചി > പി രാജീവിനായി സംഗീത സംവിധായകൻ ബിജിപാലും സുഹൃത്തുക്കളും ചേർന്നൊരുക്കിയ തെരഞ്ഞെടുപ്പ് പ്രചാരണഗാനം ‘ദിൽ മേ രാജീവ് ദില്ലി മേ രാജീവ്’ വൈറലാകുന്നു. തീപടർന്ന് ചെങ്കൊടി ചുവപ്പ് എന്ന് തുടങ്ങുന്ന ഗാനം പി രാജീവ് തന്റെ ഔദ്യോഗിക ഫേസ്ബുക്ക് പേജുവഴിയാണ് പുറത്തുവിട്ടത്.
മഹാരാജാസ് കോളേജിൽ പി രാജീവിന് നൽകിയ സ്വീകരണത്തിൽ വിദ്യാർഥികൾ തയ്യാറാക്കിയ ദിൽ മേ രാജീവ്, ദില്ലി മേ രാജീവ് എന്നെഴുതിയ പോസ്റ്ററിൽ നിന്നാണ് ഗാനത്തിന് ആശയം ലഭിച്ചത്.
അജീഷ് ദാസന്റെ വരികൾക്ക് ശബ്ദവും സംഗീതവും നൽകിയത് ബിജിപാലാണ്. ദൃശ്യങ്ങൾ ഒരുക്കിയത് റാസൽ പരീതും. തൃക്കാക്കര മണ്ഡല പര്യടനത്തിനിടെ ബിജിപാലിന്റെ വീട്ടിലെത്തുമ്പോഴാണ് പാട്ടിനെക്കുറിച്ച് അറിയുന്നതെന്ന‌് പി രാജീവ് ഫേസ്ബുക്കിൽ പോസ്റ്റുചെയ്തിരുന്നു. മൂന്ന് മിനിറ്റ‌് ദൈർഘ്യമുള്ള വീഡിയോയ‌്ക്ക് വലിയ പ്രചാരമാണ് ലഭിക്കുന്നത്.